नेपालका सांसदहरुको चर्तिकला:

नेपालका सांसद महोदय हरुको चर्तिकलाको वारेमा टिप्पणी गर्नु भएकोमा धन्यवाद. संसदीय समितिहरु राज्यको नीति निर्माणका सहयोगी र नीति अनुसारको काम भयो भएन भनेर नीतिगत परिक्षण गर्ने निकाय हुन. कुनै कुरामा चित्त नबुझे जिम्मेवार मन्त्रीलाई जवाफदेही बनाउने काम उनीहरुको हो. यहाँ त कुन दिन पाइलट संग चित्त नबुझेर हवाइजहाज़ उडाउन कक पिट ताक्लान भन्ने पो पीर परिसक्यो. बेरोजगार र बदनाम भएपछी फुस्केको धोती सुमर्न नालायक हरुले गर्ने चर्तिकला यस्तै हुने गर्छ. अचेल उनीहरु महानिर्देशक, अधिकृत संग भलाकुसारीमा व्यस्त छन. देशको सार्वभौमिकता संग गाँसिएको कुरा संग बेमतलब भएर बसेका छन. पारस र प्रचण्ड मिलेर तिन अरब डलर ल्याउने हावादारी सम्झौता हंगकंग मा गरे. जनताका प्रतिनिधी के भएको हो भनेर एक शब्द सोध्दैनन. असल काम भए सहयोग गर्न, खराब भए रोक्न, प्रक्रिया नपुगेको हो भने प्रक्रिया पुय्राउन, राष्ट्रिय इज्जत को सवाल भए नियन्त्रण गर्न पनि एक वचन सोध पुछ त गर्नु पर्थ्यो?
समावेशी को भूत ले क्षमताको पहिचान पोलेर खाइ हाल्यो. दिन दिनै राक्षस ले पालो लगाएर वस्ती सखाप पारे जस्तो नेपाली अस्मिता सखाप पर्ने हरुको अगुवाईमा हामी जनता लाचार भएको अवस्था छ. अहिले समावेशी को नाममा सरकारी जागीरमा आरक्षण खोजिंदैछ, असक्षम हरुलाई नेतृत्वदायी - नियन्त्रणकारी भूमिकामा राख्न खोजिंदै छ. असक्षम लाइ क्षमतावान बनाउने योजना जानेरै बनाइएको छैन. किनकि क्षमतशील व्यक्ति दास बनेर पछी लाग्ने वाला छैन. पछि यस्तो दिन आउनेछ कि क्षमतावान हरु आफ्नो आफ्नो निजी व्यवशाय तिर लाग्ने छन. बौद्धिक, अनुसन्धान मा लाग्ने छन. उनीहरु धनाढ्य बन्लान. त्यसपछी ब्यापारी-धनाढ्य भए वापत रुसका क्रान्तिकारी देखि युरोपका गरीब सम्म बाट योजना वद्ध ढंगले लखेटिएका-मारिएका यहुदी को दुर्गति मा तिनै सक्षम हरुलाई पुय्राइने छ. आफु माखो मार्न नसक्ने अनि अरुले गरि खाएको देख्न नसक्ने आहारिस लाइ क्रान्तिको नाम दिने चोर हरु ले यसै गर्छन. यो भावुकता को खेति मौलाएको मौसम हो. यसबाट जनता मुक्त हुन समय लाग्छ. मुक्त हुनासाथको समय भयावह हुन सक्छ.
कुनै दिन यस्तो नआओस कि नेता देख्ना साथ बहुला कुकुर आएजस्तो गरेर जनता नेता आयो, नेता आयो भन्दै कराउन र गाउँले हरु हात हातमा जे पायो त्यहि टिपेर तिनको नास गर्न दगुरुन. त्यस्तै बेलामा भंगज्याहा हरुको उत्पति हुन्छ. निरंकुश शासक, सैनिक बिप्लव, बैदेशिक हस्तक्षेप पनि त्यस्तै बेलामा हुने गर्छ. पार्टीको बीचार र बीचार अनुरुप सारा राष्ट्रलाई समान मानेर आफन्त पराइ नभनी निरन्जन व्यवहार गर्ने लाइ हाम्रो शास्त्र ले नेता भन्छ. नेताको सफलता भनेको अर्काको मन जित्न सक्नुमा निर्भर हुन्छ.
हाम्रा नेता सामन्तवाद को, राजतन्त्र को बिरोध गर्छन तर व्यवहार ठिक त्यहि गर्छन जसको बिरोध गर्नमा उनीहरुले आफ्नो जीवनको अमुल्य बर्ष बिताए. अर्कालाई हेप्ने, दुत्कार्ने, लूटने, टुक्र्याउने र शासनको नाममा दमन गर्ने.
फेरी केहि समय पर्खी बसौँ, जनताको चेतना फर्की आउनेछ.
शुभेक्षु,
सुबोध.