कर्मकाण्डी विभाजनको काम छैन:

हाम्रो परिवारमा कर्मकाण्डीको नजरमा अन्तरजातीय ठहरिने बिहेवारी भए| मावलको सगोत्री, भाषाले नेवार, जातिले म्लेच्छ बुहारीहरू आए| सबै हाम्रा असल छोरी समान छन| जात मिलाएर हेर्दा भाषा फरक भएकी बुहारी कर्मकाण्डी सिद्धान्तले पनि ज्योतिष ब्राह्मण हुन| एउटी बुहारी ब्राजिलकी हुन जसको मातृभाषा पोर्चुगिज हो| हामी तिन जना दाजुभाई छौं र हाम्रा छ जना छोराछोरी| दुइ वटी छोरीहरु र चार भाई छोराहरु| मेरी आमा अस्सी बर्ष कटीसक्नु भएको थियो जब मेरो छोराले बेलायतमा पढ्न बस्दा ब्राजिलकी केटीसंग माया बसेको र उनि यहाँ आएर बिवाह गर्न चाहन्छिन भन्ने खबर लिएर उहाँ सामु डराउँदै हामी हाजीर भयौं| उहाँले सहर्ष भन्नु भयो, नातिले छानिसक्यो अब उसको मर्जी हामीले त आशिर्वाद पो दिने हो| बेलायतमा एसीसीए र एमबीए सकेर आएको केहि दिनमै छोराले आफ्नो इच्छा बतायो| बुहारी आइन| कत्रो बिश्वास उनले हाम्रो परिवार प्रति गरिछन? हवाई अड्डामा छोरा लिन गयो र राति ११ बजे उनि हामीकहाँ आइन| हामीले भन्यौं, हाम्रो परिवारलाई जाँच्नु चित्त बुझे बिवाह गरीदिउँला| ४-५ दिन पछि उनले आत्मविश्वास प्रकट गरिन| ललितपुर जिल्ला प्रशासनमा लगेर बिवाह दर्ता भयो| त्यसपछि बिराटनगरमा वैदिक प्रकृयाले बिवाह गरिदियौं| सम्पूर्ण परिवार र इष्टमित्र सहभागी भए| त्यसपछि बुहारीको माइत पठाइयो दम्पत्ति लाई| त्यहाँ उनीहरुको रिवाज अनुसार बिवाह समारोह गरे| अहिले हामी तिन भाईका पाँच नाति र छ नातिनी छन|

आमा छ बर्ष अघि बित्नु भयो| आमाहरुले सासूको बिंडो थामेका छन| चार भाई छोराहरु मध्ये एउटा ब्राजिलमा व्यापार गर्छ| बाँकि तिन बिराटनगरको उद्योग, कृषि फर्म र हेटौडाको उद्योग चलाएर बसेका छन| चारै जनामा सगोलको एकता छ| दुई दिदि बहिनी समेत छ जनामा सपरिवार आत्मीय सम्बन्ध छ| ठूलो ज्वाईं बिराटनगरमा उद्योगपति हुनुहुन्छ कान्छा लण्डनमा जागिरे|

मलाई अचम्भ लाग्छ मान्छेहरु संगत नगरिकनै जातमा भेदभाव किन गर्छन? हुनत हाम्रो संबिधानमै जातीय आधारमा नागरिकलाई बिभाजन समेत गरिदिए| जुन चिज हटाउन तिर लाग्नु पर्थ्यो त्यसलाई संबैधानिक बनाइदिए| तिमि अर्को भन्दा फरक छौ भनेर छुट्याई दिए|

रामरिझन यादव हाम्री झापाली चेलीका श्रीमान| उहाँकी छोरीले पनि अन्तरजातीय बिवाह गर्ने भइछन| छोरीलाई शुभाशिष, ज्वाईंलाई सलाम|

सुबोध/लता प्याकुरेल| बिराटनगर| हाल: काठमान्डू|